~黑椒牛扒絲炒公仔麵~

炒公仔麵早於20幾年前已經係屋企整黎食，當年市面上還未有得賣，有一次係屋企肚餓唸住煮公仔麵食，但突然覺得公仔麵之所以咁好食就係因為果包湯粉o者，不如唔加水將包湯粉撈落啲麵度炒下吖，最後仲加左幾條蟹柳落去，我既第一碟蟹柳炒公仔麵就咁樣誕生左！可惜當年得果10多歲唔識去開檔賣炒公仔麵啦，哈哈！老公最愛食炒公仔麵，雖然真係唔多健康，但久唔久整下俾佢食，佢就唔會出街話要食炒公仔麵。呢日一於整佢鍾意食既黑椒牛扒絲炒公仔麵啦！

~屯門稻成小館~

屯門市中心時代廣場一期2樓2162號鋪開左間稻成小館，川菜一向都是我的最愛，是日八號風球無無聊聊走落屯門搵野食，一於就試下啦！

~合桃柸仔蛋糕~

合桃是一樣Super營養食品，當中含有抗養化物質有助於抗癌，而對於預防冠心病、腦退化症、中風及美容都有功效。當然其實Cup Cake屬於高糖高脂的小食，但自己制作又會比較少糖份及化學物，再加埋合桃總算口感豐富啲又比較健康。

~南瓜蘑菇雞肉粟米粒粒焗飯~

想食完飯清洗少幾碗碟食具，最好就是用電飯煲焗飯，一電飯內有菜有肉，既豐富又簡單！

~椰蓉麵包~

椰蓉麵包簡稱椰賓是我由小到大最愛的麵包之一，可是牛油多、糖多、椰絲多，真的很不健康，但其香甜惹味之處實在難以抗拒。自己整冇咁多化學合成物，又可稍為控制一下油和糖的分量，好像健康一點的 (自欺欺人)，哈哈！

~瓜粒瑤柱雜錦炒飯~

炒飯勝在一碟過什麼都有啲，食完之後又少碗碟要洗，是夏天我家的懶人常餐。

~煉奶甜餐包~

用廚師機整麵包搓麵團真是很方便，自從買了Bosch的廚師機之後，整甜品、整麵包再唔會因為唔想累而爭扎一輪，話整就整！

~忌廉芝士肉丸長通粉~

忌廉芝士其實餘了用來整蛋糕、甜品，用來整餸菜都是不錯的選擇，尤其是雪硬左的忌廉芝士，因為用來整蛋糕會起粒粒，所以不想浪費煮來整其他食物。 

 

~墨丸雜菜芝士蛋卷~

屋企用淨一堆食材，每樣食材又唔夠整一款菜式，一於加埋佢試整個蛋卷食啦！

~南瓜雞湯~

南瓜忌廉湯是我最愛的西湯之一，軟綿綿既質感，豐富又飽肚。

~洋蔥蘑菇汁煎豬扒飯~

白蘑菇含有豐富的維生素B1、B2、D同PP等，其營養價值是蔬菜和水果的4-12倍。至於洋蔥則有抗氧化、擴張血管、殺菌等功效。我家下午最愛食碟頭飯，今日一於一人一碟洋蔥蘑菇汁煎豬扒個人大碟飯啦！

~韓式泡菜牛肉炒年糕~

韓國風呢幾件風靡香港，四周都是韓國東西，韓國食品、韓國煲鑊、韓國護膚品、韓國衣物，都成為了香港潮流。

~元朗偉記小廚~

位於元朗西菁街10號好順泰大廈地下41&51地舖的偉記小廚，地點比較不當眼，如不是兩、三年前興友人到過此店用膳，自己真的很微機會會惠顧。不過幫襯完今日，我想之後如非必要，我都好難有機會再來也！

~屯門醉上海~

位於屯門市中心新都商場2樓10號鋪既醉上海，是屯門市中心一間價錢比較相宜的上海食品餐館，星期一至五(非公眾期假)不收加一服務費，食個快飯都算不錯的選擇。

~鹿茸紅參燉豬展~

鹿茸生精補髓、養血益陽、強健筋骨，而紅參就補氣益血，所以呢款燉品好岩太過勞累既人仕飲用。

~鮮茄滑蛋天使麵~

坊間好多專蕃茄麵的食店，食一碗閒閒地都要$40-$60，都唔平架！其實自己整都好容易，仲保証用新鮮蕃茄添。呢次就同大家分享個滑蛋鮮茄蓉天使麵呀！

~忌廉蘑菇湯~

忌廉蘑菇湯是一款非常容易而又好味的西湯，材料簡易方便又隨時買得到，大家有興趣試下呀！一定好飲過罐頭湯！

 

~簡易芒果布丁~

每年3-4月都是芒果當造時間，又香又甜的大芒果，雖然好邪惡，但又抗拒不了。
芒果是其中一種甜品常客，什麼芒果布丁、楊枝金露、蛋糕甜點都常有它的出現。今日輕輕鬆鬆整一款「簡易芒果布丁」，半小時內一定完成，做法非常容易。

~元朗大榮華酒樓~

元朗大榮華酒樓應該不少人認識它，位於元朗安寧路2-6號2樓﹐勝在老字號，某些點心做得比較傳統。朝早11點半前有早茶優惠，大、中、小點一律$19。

~蠔油栗子炆冬菇~

冬天時節，是栗子當造的季節，不難找到又平又甜的栗子。栗子烹調變化很多，由前菜、主菜、飯麵、甜品，由中餐至西餐，好容易找到其踪跡。簡簡單單用栗子及冬菇，已可做出一碟餸一大碗白飯的小菜。不過栗子熱量高100g有150Kcal，所以愛美女仕要小心，千萬不要栗子當飯食呀！

~日式昆布木魚大蔥豆腐鍋~

成日打邊爐都係用豬骨、沙爹或食雞煲，呢日不如整個昆布木魚大蔥豆腐鍋試下吖，又昆布又大蔥仲有豆腐添，可以食少啲肉類，對於打邊爐黎講，可以食得健康啲。

~半煎炸黃花魚~

黃花魚肉質嫩滑，用黎煎炸同蒸煮都同樣適宜，上次用大家分享左「紅酒糟蒸黃花魚」，呢日就整我家o既飯桌上常客「半煎炸黃花魚」，用黎餸飯咸香鮮味。

~咸菜胡椒雞腳豬骨湯~

天氣濕濕寒寒，煲個咸菜胡椒雞腳豬骨湯飲下先，仲可以用黎當湯底食麵。

~紅酒燴牛腩跟白飯~

前幾日買左個 Le Creuset 媽蜜大鍋，一於開齋用來炆牛腩啦！又真係幾存氣鎖水，一個鍋爆完啲材料，直接用埋黎炆野，幾方便吖。炆完之後配個白飯黎食，又係一碟美味既西式碟頭飯。

~蕃茄滑蛋煮紅衫魚~

新年過後都好耐冇靚蕃茄買，呢日終於有又紅又大既蕃茄啦，買返幾個煮黎食先，因為蕃茄內含豐富蕃茄紅素。美國哈佛大學實驗報告證明：蕃茄紅素係唯一能降低前列腺癌既食物，所以男士要食多啲啦！另外，蕃茄紅素對於預防肺癌、子官頸癌及抑制腫瘤擴散等等，都有很大既幫助，所以大家老老嫩嫩都要食多啲啦！提提大家，蕃茄需煮熟才能釋放蕃茄紅素，所以要食蕃茄就煮熟啲黎食呀！

~紅酒糟蒸黃花魚~

身為半個福洲人，紅酒糟由細食到大，喜愛其獨特o既酒香及微酸o既味道。用黎配以海鮮烹煮，既癖腥又提鮮，用黎炒大蜆或蒸魚尤其惹味！呢日就用黎整我最愛食o既紅酒糟蒸黃花魚啦！

材料：
黃花魚1斤(可用獅頭魚，肉質較嫩及鮮，不過價錢亦相對貴啲)

醬料：
紅酒糟4湯匙(個人喜好，可多可少，不過我超鍾意食酒糟，所以鋪得滿滿的)
蒸魚豉油2茶匙
糖少許

做法：
1. 黃花魚洗淨，抹乾，加鹽(1茶匙)及紅酒糟(1茶匙)醃2小時；
2. 蒸碟底鋪蔥白段，放上黃花魚，再鋪上醬料；
3. 隔水大火蒸7-8分鐘(視乎魚既大少及爐火大少)；
4. 灑上蔥粒，燒熱1-2湯匙滾油淋下，加適量蒸魚豉油，即成。

~西蘭花白汁煙肉焗蠔~

急凍韓肉雖然不及新鮮蠔肉鮮味，也不及美國筒蠔大隻軟滑，但用黎整焗蠔菜式配以濃郁醬汁食，都有一番風味。

~金銀蒜蒸象牙蚌~

蒸蚌、蒸扇貝既最佳拍檔非粉絲莫屬，既可餸飯食，亦可當飯食！

~豉椒炒大蜆~

想食炒蜆好耐啦！雖然花甲會鮮甜同薄殼好多，但今年啲花甲好多時都好多沙，呢日去海鮮檔買蜆時，見到啲花甲又食好多沙，所以食大蜆啦！

~豉汁蒸白鱔~

冬天白鱔最肥美，肥大肉厚既鱔肉用惹味既陳皮絲豉汁黎蒸，真係可以餸兩大碗飯！

~支竹羊腩煲~

每年冬天，我一定要食返一次半次羊腩煲，呢兩個月凍完再凍，我唸已經食左好幾次啦！除左一次同朋友出街食，其餘都係屋企整，時關出去食其實羊肉好少配料多，仲要好多時唔夠味道，最重要都係貴啫，哈哈！

~香草芝士菠蘿多士~

呢排農曆新年，成日都煎糕、飲茶、出街食早餐，好似好耐冇食麵包啦！前幾日閞左罐菠蘿，由於太大罐，用幾片黎整生炒骨，又用兩片黎配牛扒食，都仲有兩塊淨，夏天就話雪佢入冰格當雪條食啫，呢排凍都傻，咪攪！一於今日用來整多士啦！

材料：
英式麵包2片
牛油30g
蒜蓉1茶匙
罐頭菠蘿1片
車打芝士2片(最好用車打芝士碎，不過會比較貴)
香草碎半茶匙

做法：
1. 牛油加蒜蓉拌勻備用，菠蘿片切粒，芝士片切碎條。
2. 麵包用160度焗爐略為焗脆兩面，取出。
3. 在麵包其中一面抹上蒜蓉牛油，順次序鋪上菠蘿粒、芝士碎條及香草碎。
4. 放入焗爐焗至芝士開始熔化，即成。



~煎餃子~

岩岩前幾日包左啲泡菜豬肉餃同芹菜豬肉餃，仲包左啲係for煎餃既款，呢日就煎黎食啦！

做法：
1. 預熱煎鑊加適當油，餃子較平面放落煎鑊，煎至餃子底轉金黃色。
2. 加熱水至餃子水平一半，加蓋煮5分鐘，即成。

~元朗上海珍珍排骨麵~

位於元教育路75號地舖既上海珍珍排骨麵，我唸應該開左三幾個月內，老公最愛試新野，呢日晏就一於同佢去試下啦！

炸紫菜腐皮卷拼排骨上海湯麵$40

炸豬扒OK，有醃過而仲有少許肉汁，冇炸到乾晒，但粉漿唔鬆化，不過上海排骨唔同一般吉列朱扒，粉漿係好少脆口既。至於紫菜腐皮卷就超唔掂，中間既紫菜同腐皮咬極都咬唔開。

排骨上海粗炒$43

粗炒既材料就只得豉油同椰菜，一來材料太單寡，少少肉碎都冇，味道單一淡口，二來實淨既麵質令到豉油汁原完浸入唔到啲麵度。

是日午膳碓實麻麻地，$83/2人，雖然宜家出街食野係好貴架啦！但啲食品份量就好少，正常一個成年人食一碗麵根本完全唔飽，再加上材料、功夫略為簡單，又欠缺擺盤技巧，一堆野咁拎出來，上面兩張相我都執過啲野食先影架。唯一可取既係服務員有笑容及禮貌，而筷子拎過黎時用紙巾包住筷子頭，都幾乾淨。

評分(5分為最高，0分為最低)：
食品質素 2
衛生狀況 4
店舖服務 4
環境舒適 3
價格合理 1

~黑椒蘑菇粒配焗咸豬手~

日前焗左隻咸豬手食，但咁大隻豬手，又有湯同其他餸，一餐飯食唔晒，就咁番焗黎食又有啲悶，見雪櫃仲有幾粒之前整蘑菇紅酒汁用淨左既蘑菇，一於用黎做配菜食埋啲豬手啦！

~泡菜豬肉餃&香芹豬肉餃~

好耐冇包餃子啦！呢日試兩款未包過既味道，泡菜豬肉餃&香芹豬肉餃

~咸豬手拼粟米紅蘿蔔咸豬手湯~

想食咸豬手，又想飲湯，呢款一手兩食就最岩

~炒蘿蔔糕~

呢排新年食親既蘿蔔糕唔係煎就係蒸，又唔想咁普遍整XO醬蘿蔔糕，一於試下加啲料炒黎食先。

材料有蘿蔔糕、乾蔥、紅椒、菜甫同蛋。蘿蔔糕、乾蔥、紅椒同菜甫全部切粒切片，蘿好蘿蔔糕，然後爆香蒜蓉、乾蔥片、菜甫粒同紅椒絲，加回已煎蘿蔔糕，落少許魚露、甜豉酒同糖，咁就攪掂啦！

~菠蘿生炒骨~

酸酸甜甜既菠蘿生炒骨特別開胃

~蘑菇煙肉滑蛋多士~

一日之計在於晨，朝早起身食個醒神早餐，成日都會開心啲！