~南瓜蘑菇雞肉粟米粒粒焗飯~

想食完飯清洗少幾碗碟食具，最好就是用電飯煲焗飯，一電飯內有菜有肉，既豐富又簡單！

材料：
米2柸
南瓜仔1個
蘑菇4-6粒
粟米半條
蝦仁6隻
雞脾肉3/4磅

做法：
南瓜去籽連皮切粒，蘑菇切大粒(因為蘑菇遇熱出水後會收縮很多)。

雞腿肉去皮切粒，用豉油、雞粉、糖、生粉、花雕酒、麻油略醃。

我習慣用新鮮粟米取粒粒，如怕麻煩的朋友可用罐頭粟米，但一定唔會爽脆架啦！

 蝦去殼後，蝦仁用少許鹽及胡椒粉略醃。

蝦頭、蝦殼用小鍋爆香，加2柸熱水開中小火煲約10分鐘，蝦汁備用。

鑄鐵深鍋加2湯匙油，爆香雞腿粒、蘑菇粒、南瓜粒、蝦仁受及粟米粒，倒入蝦汁略煮 (所有材料不需要煮熟，爆炒時有香味就可以)。

米加比平時煲飯少一半的水份，因為材料會在煲飯的過程中再出水，再者材料本身有蝦汁。如是次整焗飯沒有落蝦汁，可以加多些水，總之總水份要少過平時煲飯的分量，如果不是的話，飯煮好之後就可能太濕變爛飯架啦！

開平時煮飯模式就可以了，南瓜蘑菇雞肉粟米粒粒焗飯就完成！