~半煎炸黃花魚~

黃花魚肉質嫩滑，用黎煎炸同蒸煮都同樣適宜，上次用大家分享左「紅酒糟蒸黃花魚」，呢日就整我家o既飯桌上常客「半煎炸黃花魚」，用黎餸飯咸香鮮味。

材料及醃料：
黃花魚1斤
鹽1 1/2茶匙
白胡椒粉少許
紅酒糟1-2茶匙

做法：
1. 先將黃花魚劏肚去內臟，洗淨，抹乾；
2. 如黃花魚屬較大條，可將其分割為頭、腩、身及尾共四段。如屬較細條，就只分割分為頭、身及尾共三段；
3. 魚頭及尾開邊但唔切斷，魚身開邊；
4. 魚件加入鹽、白胡椒粉及紅酒糟，抹勻魚件，放入雪箱保鮮醃一日；
5. 魚件早少少從雪箱取出，待半小時；
6. 預熱鍋加少半鍋油，魚件裹上乾薯粉，放入熱油內半煎炸至黃金熟透，上碟即成。

小貼士：
1. 魚件一定要抹乾才下醃料，否則魚水加埋鹽等醃料，點都有一陣魚腥味。
2. 如不太好紅酒糟，可不加入，不過紅酒糟有其獨突香味，會令普普通通o既炸魚變得較具風味。如我沒估錯，小南國o既炸小黃花魚就有加入紅酒糟黎醃。
3. 魚頭炸o既時間為其他部位兩倍，咁樣炸魚頭會好似薯片咁脆口。