呢日惠顧左3款餸菜 $339 (有加一服務費)。
四川回鍋肉，呢個做得唔錯香濃惹味，大大片嘅薄切豬腩肉，感覺大方滿足。唯辣味真係只係少少微辣，對於嗜食辣嘅我就唔覺得有辣味囉😅。
水煮牛肉，終於有地方整嘅水煮牛肉有麻味啦！麻味嘅層次比只得一股辣味富豐得多。麻到底舌頭感覺嘅係一種甜味，係我最愛嘅感覺，呢個功勞非新鮮嘅大紅袍花椒莫屬。炸香炸脆嘅花椒弄出黎嘅花椒油正正係水煮菜式嘅神髓。只可惜又係敗筆在啲牛肉，夾硬用食粉醃腍嘅牛肉一啲牛味都冇！牛肉分量奇少配以大量嘅薯粉及大豆芽，似叫左個水煮牛肉麵多過水煮牛肉囉😧。
稻成酸菜魚片，酸菜湯底👌，配料分量唔少，但我明明係以為魚片，點知又係用最唔應該用嘅鯰魚柳😠。點解香港嘅川湘滬餐館咁鬼鍾意用鯰魚柳黎整水煮、酸菜魚架呢？好唔滿意😤。
食品質素 3
衛生狀況 4
店舖服務 4
環境舒適 4
價格合理 3
沒有留言:
張貼留言