~咸菜胡椒雞腳豬骨湯~

天氣濕濕寒寒，煲個咸菜胡椒雞腳豬骨湯飲下先，仲可以用黎當湯底食麵。

材料有豬骨(1斤)、雞腳(1斤)、潮州咸酸菜(半棵)、白胡椒(5湯匙)拍碎。

水加薑片及蔥後，放入豬骨及雞腳，凍水開始煲至水滾。

豬骨及雞腳汆完水，用水喉水沖走表面雜質。

咸菜切件後，煲滾少許水，出一出走咸氣。

材料準備好晒啦，等水滾就可以開始煲啦。

水滾先落豬骨及雞腳......

等水再滾加埋白胡椒碎，蓋上蓋中大火先煲半小時......

煲至湯水開始奶白色，可轉中小火繼續煲1個半小時......

用湯匙除去湯面油脂。

放入咸酸菜，以中大火煲多15-20分鐘，即成。

最後，烚個麵線，就係一碗美味O既咸菜胡椒雞腳豬骨湯麵啦！