~元朗大榮華酒樓~

元朗大榮華酒樓應該不少人認識它，位於元朗安寧路2-6號2樓﹐勝在老字號，某些點心做得比較傳統。朝早11點半前有早茶優惠，大、中、小點一律$19。

炸雲吞，炸唔透的感覺，仲要冷冰冰的，看似放置了很久，酸汁味道亦麻麻地，勝在雲吞內的蝦膠ok，可惜都凍晒了。

百花釀魚肚，蝦膠彈牙味鮮，但魚肚略嫌未夠腍身而又吸唔到蝦膠味道。

麵醬蒸魚雲，正宗酒樓風味，醬汁濃郁之外，魚頭並不欺場，份量足夠之餘仲要真的用大魚製作，而不是鯇魚充當，因為真的有魚雲食。

豉汁蒸鳳爪，同樣必食點心，只可惜那天鳳爪未腍，醬汁做得幾好都......嚴重錯誤扣晒分。

大榮華傳統蓮蓉包，蓮蓉香濃順口，熱騰騰食簡直一流。

蒜蓉蒸鮮魷，我的最愛點心之一，只可惜沒想過多年老字號竟然如此失敗，蒜蓉蒸鮮魷真的名副其實蒜蓉同鮮魷，就連少少粉絲都沒有！調味欠奉，略腥的魷魚放入口只有滿腔蒜蓉。

豬潤蒸燒賣，豬潤略嫌超薄，至於豬肉燒賣彈牙足料，全無一般燒賣食肥豬肉的感覺。

 

評分(5分為最高，0分為最低)：
食品質素 3
衛生狀況 3
店舖服務 3
環境舒適 4
價格合理 4