~元朗上海珍珍排骨麵~

位於元教育路75號地舖既上海珍珍排骨麵，我唸應該開左三幾個月內，老公最愛試新野，呢日晏就一於同佢去試下啦！

炸紫菜腐皮卷拼排骨上海湯麵$40

炸豬扒OK，有醃過而仲有少許肉汁，冇炸到乾晒，但粉漿唔鬆化，不過上海排骨唔同一般吉列朱扒，粉漿係好少脆口既。至於紫菜腐皮卷就超唔掂，中間既紫菜同腐皮咬極都咬唔開。

排骨上海粗炒$43

粗炒既材料就只得豉油同椰菜，一來材料太單寡，少少肉碎都冇，味道單一淡口，二來實淨既麵質令到豉油汁原完浸入唔到啲麵度。

是日午膳碓實麻麻地，$83/2人，雖然宜家出街食野係好貴架啦！但啲食品份量就好少，正常一個成年人食一碗麵根本完全唔飽，再加上材料、功夫略為簡單，又欠缺擺盤技巧，一堆野咁拎出來，上面兩張相我都執過啲野食先影架。唯一可取既係服務員有笑容及禮貌，而筷子拎過黎時用紙巾包住筷子頭，都幾乾淨。

評分(5分為最高，0分為最低)：
食品質素 2
衛生狀況 4
店舖服務 4
環境舒適 3
價格合理 1