~支竹羊腩煲~

每年冬天，我一定要食返一次半次羊腩煲，呢兩個月凍完再凍，我唸已經食左好幾次啦！除左一次同朋友出街食，其餘都係屋企整，時關出去食其實羊肉好少配料多，仲要好多時唔夠味道，最重要都係貴啫，哈哈！

材料當然有羊腩3斤。

配料有支竹(熱水浸軟)、馬碲(去皮)、冬菇(加少許蠔油及糖略醃)
至於調味料及香料就有南乳(2-3磚)、薑片(大量)、蒜頭(3瓣)、果皮(4瓣)、香葉(6片)、八角(4-5粒)、桂皮(2小塊)、草果(2粒)、甘草(3片)。

 

起鑊，加適量油、蒜片、薑、果皮、八角、甘草、香葉及草果略爆，加入羊腩、冬菇及南乳爆香，再加入老抽及冰糖。

加入馬碲、水滾開王中小火炆45分鐘。

加入已浸軟枝竹，炆至所有食物入味，即成。 

食羊腩煲最緊要既當然係要沾腐乳啦

 

仲要配埋生菜食添